Baggalútur

Þjóðbók

Jónas Hallgrímsson
listaskald.blogmania.co.uk

Fari það í hálfhoppandi heitasta helvíti. Á nú að klína manni blásaklausum á einhverja peningalufsu? Eina ferðina enn. Hvað með Hófí? Hvað með Megas? Hvað með Baldur fokking Tryggvason?!

29/3/12 • Þjóðbók

Grímur Thomsen

Lohan

Voðalegt er að heyra þetta með hana Lindsey Lohan, blessuð stúlkan að láta nappa sig með lyftiduft í poka - svona hæfileikarík og blíð stúlka. Æ, ég vona bara að hún lendi ekki í steininum, eins og bölvaður ónytjungurinn hún París...

31/12/69

Tómas Guðmundsson

Sumar og sól

Ósköp er blessaður Vesturbærinn fallegur í sólskininu. Ég fékk mér labbitúr út með Ægisíðunni í dag og brast satt að segja oftar en einu sinni og oftar en tvisvar í grát yfir allri fegurðinni. Fékk svo klígju þegar ég sá Seltjarnarnesið og flýtti mér heim...

31/12/69

Sr. Hallgrímur Pétursson

Dónar í laugunum

Voðalega fer það í taugarnar á mér hvað það er glápt á mann í laugunum. Fólk kann sig ekki lengur. Það mætti halda að þetta lið hefði aldrei séð holdsveikt sálmaskáld á sundskýlu áður...

31/12/69

Jónas frá Hriflu

Detti mér allar dauðar...

Nei andskotinn. Fjórar konur í ríkisstjórn! Hvað næst - karlkyns hjúkkur?

31/12/69

Jónas Hallgrímsson

Nýtt kvæði

Ég orti nýtt kvæði í morgun. Ég held að ég sé að ná að fullkomna stílinn.

Mér finnst gott að maula ís,

mikið fínt og gaman.

Mamma er sko í mussu úr flís,

mikið er það gaman.

Er annars að pæla í því hvort þetta „sko“ eigi kannski ekkert heima þarna. Það er náttúrulega danska.

31/12/69

Jónas Hallgrímsson

Klúður

Note to self: Ekki skrifa ódauðlega sonnettu á kjörseðlinn. Það ógildir atkvæðið...

31/12/69

Halldór Kiljan Laxness

Allragagn

Fari það í fúlan pytt. Er nú verið að næla stórriddarakrossi á einhvurja vesturíslenska ballerínu! Isspiss. Allir geta nú feingið þetta glingur. Mín fer rakleitt á íbei eftir helgi...

31/12/69

Einar Ben

Jibbí

Nú er bara að hysja upp um sig buxurnar, mynda stjórn, ýta rauðsprettunum öfundsjúku endanlega út í sitt vinstra horn - og byrja að stífla fyrir einhverja alvöru...

31/12/69

Jónas frá Hriflu

Glötuð úrslit

Þetta voru nú ljótu úrslitin :(. Að mínir menn geti ekki einu sinni slefað formanninum inn á þing er auðvitað gersamlega glatað. Það hefði betur farið á því að hafa kind í 1. sætinu, eins og ég stakk upp á...

31/12/69

Tómas Guðmundsson

Sólin hún rís

Sko til, er ekki blessuð sólin farin að skína á Reykjavíkina mína. Allt hún elskar ljúfust stjarna. Gleði barna. Angan Vesturbæjar. En mikið lifandis, skelfing vona ég að helvítis Garðabæinn rigni niður í sumar...

31/12/69

Jón Sigurðsson

Hvað skal kjósa?

Hvað á maður að kjósa af þessum liðleskjum sem í framboði eru til hins háa Alþingis? Ég hef verulega illan bifur á þessu stóði öllu. Ætli það endi ekki með því að maður skili auðu, eins og venjulega...

31/12/69

Jóhannes S. Kjarval

Sumarið komið

Mikið hlakka ég nú til að fara upp á Þingvelli og liggja þar með trönurnar fram á haust. Mála kannski soldið hraun. Bara að muna að taka með frjóofnæmispillurnar svo þetta endi ekki eins og í fyrra...

31/12/69

1, 2, 3 ... 42, 43, 44, 45, 46

Fréttir

Enter – 3/6/13

Sumarfrí Baggalúts 2013

Númi Fannsker – 28/5/13

Margrét Þórhildur komin á stjá

Enter – 27/5/13

Ófrægingarbúðir Vigdísar Hauksdóttir fundnar

Enter – 23/5/13

Ný ríkisstjórn verður í háskerpu

Enter – 21/5/13

Kolbeini kapteini meinaður aðgangur að kommentakerfum

Lesbók

Enter

JÁ

Enter

Dómnefnd í stað Alþingiskosninga

Enter

Stimpilgjöld í Norðurþingi

Enter

Rottur hálendisins

Enter

Tiltekt á tímakaupi

Enter

Fáein atriði sem við getum núna einbeitt okkur að að rífast um í stað Icesave

Úr þjóðbók

Skipulagsmál

Einar Ben

Mér þykir vanta bæði framsýni og stórhug í alla umræðu um skipulagsmál hér á landi. Ótrúleg skammsýni ræður ríkjum. Framtíðin er neðanjarðar.

Við þurfum að byggja upp öflugt neðanjarðarhraðlestakerfi sem nær milli alla þéttbýlisstaða landsins og yfir á nærliggjandi eyríki og heimsálfur. Sanniði til, þegar slíkt kerfi er komið í gagnið þarf enginn lengur á flugvelli að halda.

6/3/08

Harmur Alþingis

Steinn Steinarr

Mér þykir
það sorglegast
við Alþingi
að Siggi Sigurjóns
sé orðinn of gamall
til að leika
Birgi Ármannsson
í Skaupinu

3/10/11

Miðlæg málfarsmylsna 648712

Fyrsti málfræðingurinn

Mylsnufan sendi eftirfarandi:
„Eftirfarandi mátti lesa í frásögn barnabarns míns, sem er nemandi í 2. bekk HG í Melaskóla undir yfirskriftinni Sumar í sveit: „Ég og pabi fórum í sveidina og ságum belju."
Hér hefði vitaskuld átt að standa: „Við pabi fórum í sveidina og ságum kú." Hitt sýnist mér vera danska."

Já, það sýnist mylsnudreifara líka.

5/9/11

Baggalútur er hýstur af alúð og umhyggju hjá ADVANIA