Þjóðbók
Á nú enn og aftur að fara að sleikja sig upp um bakraufina á þessari bannsettu Evru? Vilja þessir háu herrar ekki bara taka upp danska fánann aftur? Og nýta sér stöðugleika og hagkvæmni þýska þingsins í stað þess íslenska? Franski þjóðsöngurinn er líka æði, af hverju getum við ekki notað hann? Og er ekki upplagt að næla sér í litla, netta, ítalska fjallkonu, frekar en þessar þunglamalegu jussur sem við sitjum uppi með?
Egill Skallagrímsson
Var trylltr á Celtic um helgina. Hratt af stað ati milli víkinganna á Celtic og smérkúka Hverfisbarsins. Fokk hvat þat var kreisí.
Jónas Hallgrímsson
álögur íbúða
ógn eru háar
horfur á heimilum
hélugráar
gleypt hafa góðærið
gírugir apar
vísital vona
og væntinga hrapar
ógn eru háar
horfur á heimilum
hélugráar
gleypt hafa góðærið
gírugir apar
vísital vona
og væntinga hrapar
Jónas frá Hriflu
Ég hefi komist að því að „rass“ er fyndnasta orð í íslenskri tungu. Þess vegna hefi ég lagt til við ríkisstjórnina að orðið verði friðað um alla eilífð svo það glatist ekki eða skipti um merkingu eins og hin geypifyndnu orð „sími“ og „skjár“ gerðu svo óeftirminnilega...
Sr. Hallgrímur Pétursson
Fékk póstkort frá Guddu minni úr barbaríinu. Allt gott að frétta bara, fínt veður og allir sæmilega frískir, smá magakveisa eftir eitthvað alsírsk eiturbras. Bað hana að kaupa ípóð í fríhöfninni.
Jónas Hallgrímsson
Sko, ef fólk þolir illa rauðspritt í eplasafa þá á það einfaldlega ekki að þiggja það. Ekki vera að hringja í mig daginn eftir og kvarta yfir timburmönnum. Alveg sama þó það sé ríkisstjórnarfundur.
Grímur Thomsen
Óskaplega getur fólk fjargviðrast yfir smámunum. Nú halda sjálfskipaðir predikarar hvorki froðu né vatni yfir litlu bókinni ljótu um léttklæddu blökkusnáðana seinheppnu.
Hvað næst? Ætla íturvaxnir albínóar að láta banna Moby Dick?
Hvað næst? Ætla íturvaxnir albínóar að láta banna Moby Dick?
Einar Ben
Vaknaði í morgun, innblásinn. Ætlaði að setjast niður og semja tíræðan bálk um frosthörkur, fannfergi og baráttu nútímamannsins við náttúruna.
Festist svo fyrir framan Opruh og verð ekkert úr verki.
Festist svo fyrir framan Opruh og verð ekkert úr verki.
Egill Skallagrímsson
Hjó mann í herðar niðr á Hverfisgötunni um helgina. Fyrir misgáning. Löggan kom, alveg snar og sagði at ek hefði brotið lögreglusamþykkt. Þvílíkt þvaðr. Þat var ekki eins og ek væri at míga utan í húsvegg. Blábjánar.
Jesús Kr. Jósepsson
Ég er massasáttur við nýju þýðinguna á bókinni hans pabba. Allt annað en þetta uppskrúfaða torf sem var í gömlu útgáfunni. Það verður engum breytt í saltstólpa fyrir þetta, því get ég lofað. Helvíti fínt bara!
Hjálmar Jónsson frá Bólu
drulluspillta djöfulspakk
daunillt innan búða
undan villta Villa sprakk
voteygt hyski lúða
daunillt innan búða
undan villta Villa sprakk
voteygt hyski lúða
Dr. Helgi Pjeturss
Hvað á ég að þurfa að tyggja þetta oft ofaní menn? Líkaminn er stöð til að taka á móti magnan og senda frá sjer geisla. Lífið sjálft er þessi magnan eða hleðsla og utanaðkomandi kraftur tengir svo saman efni úr jörðunni til að búa líkamann skynjun og vitund.
Þetta er ekkert flókið.
Þetta er ekkert flókið.
Jónas frá Hriflu
Alveg er þetta dæmigert fyrir hnignun blaðamennsku á vorum tímum. Í dag þarf 24 tíma, meðan einn þótti nægja hér í eina tíð. Isspiss.
Fréttir
Lesbók
Úr þjóðbók
Fokk! Meðlagið komið uppí næstum því 20 þúsund kall!
Aumingja pabbi...
Gat nú verið. Nú á aldeilis að fara að spara. Og hvar skyldi fyrst vera skorið niður? Jú, mikið rétt. Það er enn og aftur búið að fresta byggingu stjörnusambandsstöðvar á Eyrarfjalli. Svei mér þá. Þetta pakk á hreinlega ekki skilið að uppgötva líf á öðrum lífsstjörnum.
Yfir liggur uggur
ærinn landi vandi
Trump er himpið tregra
tálsýn hinna frjálsu.
Loksins lausir kosið
lúðasnúðar ríkja
minnis hafa mennska
mandarínu Banda.
[Uggur liggur yfir landi hinna frjálsu. Himpið Trump, tálsýn tregra, er ærinn vandi. Loksins hafa minnislausir lúðasnúðar Bandaríkja kosið mennska mandarínu.]