Mér finnst gott að maula ís,
mikið fínt og gaman.
Mamma er sko í mussu úr flís,
mikið er það gaman.
Er annars að pæla í því hvort þetta „sko“ eigi kannski ekkert heima þarna. Það er náttúrulega danska.
Isspiss. Þá er búið að eyðileggja fyrir manni frumflutninginn á nýjustu sinfóníunni minni, Hæni.
Ég heyrði ekki betur en hún hafi verið flutt í heild sinni, nótu fyrir nótu framan og aftan við Alþingishúsið í gær. Það voru kannski ögn færri skaftpottar og aðeins fleiri egg en ég skrifaði út. En samt – grunsamlega líkt.
Mikið er þetta notalegt. Nú þarf ég ekki lengur að skælast upp á Þingvelli til að finna hrjóstrugar auðnir til að mála.
Nóg að fara bara í miðbæinn.
Leikur sér með örlög okkar
auðvaldspakk með vélar þykkar.
Blauðu djöfuls drullusokkar
drattist til að skammast ykkar.