Mér finnst gott að maula ís,
mikið fínt og gaman.
Mamma er sko í mussu úr flís,
mikið er það gaman.
Er annars að pæla í því hvort þetta „sko“ eigi kannski ekkert heima þarna. Það er náttúrulega danska.
Ég hefi af því þungar áhyggjur að amerískir kvikmyndadólgar sýna landið okkar æ oftar sem svokallaðan „tökustað“. Sérstaklega í tengslum við kvikmyndir sem ætlað er að höfða til vera af öðrum lífsstjörnum.
Ég tel aðeins tímaspursmál þar til gerkosmískar verur, t.d. geimverur fara að taka fólk, ófrjálsri hendi og án þess samþykkis, af þessum stöðum.
Harðdrægni ... harðdrægni ... hmm .. af hverju kannast ég ekki við þetta orð? Harðfengi er til og harðlífi og svo langdrægni og eindrægni – harðdrægni hringir ekki bjöllum. Sumsé sá sem hefur eitthvað hart í eftirdragi? Þetta þarf bersýnilega að skrá.
Laus við kvabb og kjass ég er,
kertaljós og hórerí.
Það væri ráð að veita hér
viðvarandi kvennafrí.