Frétt — Enter — 8. 5. 2014
Skilgreindi stuttan tíma í pólitík
Vísindamaðurinn hefur ekki sérlega mikið að gera.

Vísindamaður í Árbæ náði í morgun að einangra hinn dularfulla „stutta tíma í pólitík“ sem hefur vafist fyrir fræðimönnum á sviði tímarannsókna og stjórnmála um árabil.

„Það var fyrirfram ljóst að vika er mjög langur tími í pólitík. Og sólarhringur er það líka — í raun jafn langur. Það eru jafnvel dæmi um mínútur sem hafa verið mjög langur pólitískur tími.“

Lausnin var því að skilgreina þetta út frá einhverju allt öðru en hefðbundnum tímaeiningum. Enda geta stakir stjórnmálamenn verið mjög lengi í pólitík skv. venjulegu tímatali en samt mælst með mjög stuttan pólitískan líftíma.

„Niðurstaðan var sú að skilgreina grunneiningu fyrir stuttan tíma í pólitík sem einn Binga, eða bng. Helgi P. er til dæmis 4,2 bng, Sigmundur Ernir er 1,3 bng og Einar Skúlason er 0,14 bng.“

Exibisjónistar

Njótið þess að strippa án þess að þurfa að niðurlægja ykkur með því að þiggja fyrir það greiðslu. Fyrir okkur strippa allir frítt! Hestamannafélagið Blesi.

Lesbók19. 7. 2018 — Enter

Ég sé að full­hátt­virtur forseti hins háa Al­þingis er með eitthvað bakkaklór eftir ömurð­ar­veisluna sem hann hélt á Völl­unum að við­stöddu fá­menni í gær.

„Forseti Al­þingis harmar að heim­sókn danska þing­forsetans hafi verið notuð til að varpa skugga á hátíðar­höldin og leyfir sér að trúa því að það sé minni­hluta­sjónar­mið að við­­eigandi sé að sýna danska þing­­for­setanum óvirð­ingu þegar hann sækir okkur heim og kemur fram fyrir hönd danska Þjóð­þingsins og dönsku þjóðar­innar.“ — segir forseti.

Ég mót­mæli herra forseti.

Þessi van­hugsaða og alls óvel­komna heim­sókn var hreint ekki „notuð“ til að varpa skugga á fjöl­milljóna­partíið þitt. Heiðurs­gesturinn flótta­legi sá alveg sjálfur um að varpa sínum skoðana­myrka skugga á hátíða­höldin og eyði­leggja þau gersam­lega.

Það eru miklu fremur Danir sem sýna okkur óvirðingu með því að senda þessa út­dönkuðu rasista­píu hingað — og skömmin er þeirra að púkka upp á hana sem þing­forseta yfir­höfuð.

Það er nefni­lega míkró­minni­hluta­sjónar­mið að halda að það sé í lagi að dubba upp rauð­klædda rasista og leiða til hásætis á hátíðar­þing­fundi á sjálfu Lög­bergi. Og það að gera lítið úr gagn­rýni á þetta skipulags­slys er ekkert annað ómerki­legt yfir­klór og eftirá­mjálm.

Svo eiga menn bara að drullu­fruss­fretast til að biðjast af­sökunar á klúðrinu í stað þess að barma sér undan eðli­legum við­brögðum við þessum skammar­lega undir­lægju– og druslu­gungu­hætti.

Góðar stundir.

 
§ Spiladós




§ Nýjustu fréttir:
6. 5. 2014 — Enter

Félag lýðræðislegra einangrunarsinna mótmælir harðlega þáttöku Íslendinga í söngvakeppni evrópskra sjónvarpsstöðva. „Þetta er ekkert annað en óþolandi heimsveldisdaður og bakraufakjass,“ segir …

1. 5. 2014 — Enter

Kærustutríóið Einar, Einsi og Anna vingaðist við þýskan flugvöll á ferðalagi fyrir skömmu. „Við lentum á honum á leið á swingeraráðstefnu …

28. 4. 2014 — Enter

Innanríkisráðuneyti, í samstarfi við björgunarsveitina Eldgosa og fjallflutningafélagið Múhameð, undirbýr nú risavaxna aðgerð sem miðar að því að beina öllum …

24. 4. 2014 — Enter

Samkvæmt öruggum heimildum Baggalúts er sjálf Fjallkonan að íhuga að leiða lista framsóknarflokksins í borginni. Fjallkonan er sem kunnugt er eindreginn …