Freyr Hermannsson, sjávarlíffræðingur, er nýkominn heim frá Norður-Noregi þar sem hann tók þátt í afar nýstárlegri tilraun.
Freyr bjó í tvo mánuði í litlu búri skammt undan strönd Noregs, sem væri ekki í frásögur færandi nema fyrir þá sök að búrið var á 160 feta dýpi. Að sögn Freys var þetta mikil þolraun, en jafnframt skemmtileg reynsla, "..til dæmis vingaðist ég við franska Hnísu og ég ræktaði líka rauðþörunga í skegginu á mér til að drepa tímann."
Freyr staldrar stutt við hér heima því hann mun fljótlega taka þátt í nýrri tilraun þar sem hann mun reyna að búa meðal Svía í tvær vikur - sem væri nýtt met.
Gagnnjósnari
óskast. Þarf að geta hafið störf strax. Góð tök á bæði færeysku og íslensku æskileg. Gott kaup.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.