Eyþór Arnalds, hljómlistarmaður, hefur snúið baki við samfélaginu. Hann hlaut ekki náð fyrir augum kjörnefndar Sjálfstæðisflokks og ákvað því að segja sig úr lögum bæði við flokkinn og þjóðfélagið allt.
Eyþór hefst nú við í kjallara Íslandssíma þar sem hann spilar æðisgengilega á gamla sellóið sitt og neitar að hitta nokkurn mann. Hann segist hafa grátið nóg og muni aldrei framar koma út undir bert loft. "..og þið getið troðið þessum Íslandssíma upp í boruna á ykkur!," var það síðasta sem hann lét hafa eftir sér.
Starfsbróðir Eyþórs og nafni, Eyþór Gunnarsson, mun sjá um viðhald vefsvæðisins eythor.is til bráðabirgða.
Amfetamínfíklar
Munið kertafleytinguna til minningar um spíttið sem var gert upptækt.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.