„Hann má vera örvhentur, lesblindur, stelsjúkur, kvefsækinn eða hvað sem honum sýnist, en hann verður sko ekki hommi meðan við fáum einhverju ráðið,“ segir talsmaður samtakanna '78 um séra Tóbías Thelmuson, sem hefur ítrekað reynt að koma út úr skápnum og hljóta blessun samtakanna – án árangurs.
Hommar og lesbíur hafa löngum verið haldin miklum fordómum í garð prestastéttarinnar og hafa alla tíð sett sig á móti því að kynvilltir eða -ringlaðir kirkjunnar þjónar njóti blessunar og samþykkis innan samfélags samkynhneigðra.
„Okkur er slétt sama þó þeir gangi í kjólum, hengi berrassaða engla upp um alla veggi og syngi í falsettu. Þeir eru ekki og verða aldrei alvöru hommar!“
Aðgerðapakkar!
Frábær þorratilboð á eintaklingsaðgerðapökkum, fjölskylduaðgerðapökkum, fyrirtækjaaðgerðapökkum, sveitarfélagaaðgerðapökkum og alþjoðaefnahagsaðgerðapökkum!
IMF
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.