Arnar B. Arnalz, bókasafnsfræðingur og forstöðumaður innheimtudeildar Borgarbókasafnsins kynnti á blaðamannafundi í morgun nýstárlegar innheimtuaðferðir bókasafnsins. Í máli hans kom fram að stjórn safnsins hefði keypt rafmagnsstól af gerðinni Old-Sparky 3000e, og komið fyrir á áberandi stað í safninu. Þeir sem ekki skila bókum innan við viku frá tilsettum skilatíma, verða teknir af lífi í stólnum og látnir greiða fyrir rafmagnið sjálfir. Búist er við að þetta fyrirkomulag bæti bókaskil verulega.
Viltu lífga upp á samkvæmið?
hef mikið framboð skemmtikrafta í barnaafmæli, fermingarveislur, steggja- og gæsaboð o.s.frv. Mjög sanngjarnt verð. Umboðsmaður Alþingis.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.