Lögreglan hefur lagt hald á um 30 hnakka í tengslum við fjölda innbrota í hesthús á höfuðborgarsvæðinu fyrr í mánuðinum. Voru hnakkarnir ansi þrekaðir og fölir yfirlitum, en talið er að sumir þeirra hafi ekki komist í ljósameðferð svo dögum skipti.
Tvær konur voru í gær handteknar vegna málsins, en þær kváðust við yfirheyrslur vera svonefndar hnakkamellur og óskuðu þær báðar eftir sálfræðiaðstoð skömmu eftir handtöku.
Ekki er ljóst hvað hnakkarnir voru að gera í hesthúsunum, en líklegt er talið að þeir hafi fylgt eðlisávísun sinni þangað eftir að hafa ráfað frá tilsjónarmönnum sínum.
Uppistöðulón
ónotað, fæst gefins. Lekur. Afgreiðsla vísar á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.