Heiftarleg sveppasýking hefur gert vart við sig í Vesturbæjarlaug og er fólki eindregið ráðið frá því að baða sig í lauginni þangað til hreinsunardeild borgarinnar hefur ráðið niðurlögum sýkingarinnar.
Upptök sýkingarinnar eru ókunn, en svo virðist sem afar skæður tásveppur hafi náð að hreiðra um sig í gufubaði laugarinnar og hann síðan borist í laugargesti. Hver gesturinn á fætur öðrum hefur sýkst í dag, en helstu einkenni eru hvítdoppóttur rauður „hattur“ og skæð bráðakynvilla.
Hreinsunardeild Reykjavíkur hefur fyllt laugina af mjög kröftugu sveppakremi og vinnur nú hörðum höndum að því að smyrja gufubað og klefa í hólf og gólf.
Tenórarnir komnir
gott úrval - ýmsar stærðir.
Hljóðfæraverzlun Sigvalda
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.