Rokksöngvarinn Magni Ásgeirsson vann sögulegan stórsigur í sænsku þingkosningunum um helgina. Er því ljóst að að hann verður næsti forsætisráðherra Svíþjóðar. Ekki er vitað hvað varð til þess að Magni, sem ekki gaf kost á sér í kosningunum og rak í rogastans þegar blaðamaður Baggalúts spurði hann út í væntanlega ríkisstjórn, náði svo glæsilegu kjöri - en margt bendir til þess að utankjörfundaratkvæði frá Hawaii hafi ráðið úrslitum.
Til sölu!
Lítið notaður 4.000 lítra gufuketill
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.