Ísraelsmenn hafa ákveðið að yfirgefa Palestínu fyrir fullt og allt. Kom þetta fram í hádegisspjalli sem fréttamaður Baggalúts átti í dag við Ariel Sharon, forsætisráðherra Ísraels.
"Þetta hefur verið rosalega erfitt undanfarið," sagði Sharon. "Þegar við komum hingað fyrst fyrir um hálfri öld þá bjuggumst við alls ekki við þessari rosalegu mótspyrnu frá þessum aröbum. Nú bara nennum við þessu ekki lengur."
Aðspurður hvert flytja eigi Ísraelsmenn segist Sharon þegar hafa leyst það vandamál. "Ég talaði við hann Gogga vin minn í Amríku og hann benti mér á litla friðsæla eyju í Norður-Atlanshafi sem við mættum setjast að á. Hann sagði að þar væri engin siðmenning fyrir, svo við getum bara haft okkar hentisemi þar."
Talsmaður herskárra samtaka Palestínumanna hefur fordæmt þessa ákvörðun og kallar hana "ömurlega áróðurstilraun". Hafa þeir tekið að vígbúast sem aldrei fyrr og undirbúa nú "geðveika árás" á Ísraelsmenn.
Frímúrarar!
Orgía í kvöld! Fjölmennum.
Nefndin
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.