Frétt — Enter — 8. 4. 2005
40 ár liðin frá kynlífsbyltingunni
Dísa og Bolli, ásamt núverandi elskhuga sínum, Jóni, sem situr fyrir framan þau.

Hjónin Dísa Dungal og Bolli Briem fögnuðu því í gær að 40 ár eru liðin frá kynlífsbyltingunni svonefndu, en þau voru helstu forsprakkar hennar og hugmyndafræðingar.

Þau hjónin segja að vissulega hafi mikið unnist á síðustu árum en vilja þó meina að enn sé langt í land með að Ísland verði að fullu kynlífsvætt. Nefnir Bolli sérstaklega þörf á að kynlífsvæða félagslega kerfið og ríkisstofnanir, auka til muna innflutning á örvandi mynd- og lesefni og eins vanti tilfinnanlega styrki til erótískrar íslenskrar kvikmyndagerðar og framleiðslu á íslenskum ástarlífshjálpartækjum - en hann telur nýsköpun í þessum geira grundvallandi undirstöðu fyrir útrás íslensks kynlífsiðnaðar.

Einnig minnir Dísa á að málefni natúralista eru enn í miklum ólestri hér á landi og eins er kynlíf aldraðra og öryrkja enn litið hornauga. Þá eru fræðslumál til háborinnar skammar og lítið sem ekkert gert til að kynna ýmis lostaafbrigði fyrir yngstu kynslóðinni. „Þetta snýst ekki lengur um að vera bara streit eða gei, þetta er orðið miklu flóknara en það, tæknin er orðin svo gríðarleg,“ bætti Dísa við og sýndi blaðamanni nokkrar áhugaverðar ljósmyndir, máli sínu til stuðnings.

Þau hjónin taka á móti gestum á heimili sínu í dag og hvetja alla „líberal og hressa“ einstaklinga til að líta við og gera sér glaðan dag.

Eigum á lager

Heimsendabolir, -bollar, derhúfur, -grillsvuntur og mussur. Fást gegn vægu gjaldi.

Lesbók22. 10. 2020 — Enter

Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.

Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:


  • Ekkert starfsfólk
  • Engin viðvera
  • Ekkert húsnæði
  • Engin þjónusta
  • Engin gildi
  • Engin frí
  • Engin áhætta
  • Ekkert internetsamband
  • Enginn samningsvilji
  • Engin kaffivél

Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.

Góðar stundir.

 
§ Spiladós




§ Nýjustu fréttir: