Samfylkingin hyggst leggja fram lagafrumvarp um menningu á Alþingi á morgun. Að sögn heimildarmanns Baggalúts innan vébanda flokksinns er þetta nýja frumvarp "að minnsta kosti alveg jafn brýnt og fjölmiðlafrumvarpið".
Meðal helstu greina frumvarpsins má nefna:
1. gr. Sitjandi forsætisráðherra, ef karlkyns og þyngri en 100kg, má ekki gefa út bækur þykkari en 10 blaðsíður - sérstaklega ekki skáldsögur.
6. gr Vinir sitjandi forsætisráðherra mega ekki framleiða bíómyndir. Þessi regla er afturvirk til þess árs þegar kvikmyndin "Hrafninn flýgur" var frumsýnd.
Eins og áður segir er frumvarpið enn í vinnslu og reiknað er með að það verði kynnt í morgunumræðu Alþingis í fyrramálið.
Gylta!
Já Málfríður, þú ert gylta. Reynir.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.