Ungur vesturbæingur, Hilmir Flosason, sigraði í dag með nokkrum yfirburðum á heimsmóti stórmennskubrjálæðinga, sem haldið var í óperuhúsinu í Sydney að viðstöddu fjölmenni.
Í öðru sæti varð Ítalinn Luigi Thermos, sem hélt hann væri fæðingarpláneta Hitlers og í því þriðja var Búlgarinn Polgor Mudra sem þótti færa ansi góð rök fyrir að hann væri Kínamúrinn.
Hilmir þótti þó bera af þessum mönnum og lyfta keppninni á nýtt og æðra plan þegar hann mætti til leiks fullviss um að hann væri sjónvarpskonan geðþekka, Vala Matt.
Borgarstjórar
Undirbúningsnámskeiðin eru að hefjast! Aðeins tæplega 50 sæti laus - síðasti séns ef þú ætlar að ná að setjast í stólinn á þessu kjörtímaibili.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.