Margrét Erlingsdóttir, húsgagnasmiður var heldur betur heppin þegar hún hitti fyrir tilviljun leiktjaldamálarann Eric Walsh, en hann er kannski þekktastur fyrir að vera sonur Pat Walsh, sem léði geimverunni E.T. rödd sína í þekktri kvikmynd Spielbergs.
Margrét hefur aldrei áður hitt jafn frægan mann og var heldur betur upp með sér þegar Eric bað hana að sýna sér borgina. Þau hafa í allan dag ferðast um miðbæinn og m.a. fengið sér pulsu með öllu og ís.
Margrét segist kunna mjög vel við Eric og tók sérstaklega eftir því hve eðlilegur hann er í öllum samskiptum. Þau ætla sennilega að fara út að borða í kvöld á Subway og er Margrét að vonum spennt, en telur þó ekki líklegt að hún sofi hjá honum fyrr en annað kvöld.
Flugbíll
Vel með farinn flugbíll, ekinn/floginn 480.000 km. er til sölu. Tilboð óskast.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.