Kafbátaleitaræfing Varnarliðsins sem fram fór í Hvalfirði tókst vonum framar. Ekki var nóg með að þátttakendur fyndu næstum alla átta kafbátana sem búið var að fela hist og her í firðinum heldur höfðust einnig upp úr krafsinu tveir eldri kjarnorkukafbátar, sem löngu var búið að afskrifa.
"..þetta var ofsalega gaman," sagði Richard Spiderman, talsmaður varnarliðsins. "..þetta eru ansi gamlir bátar, farnir að ryðga og því erfitt að ná þeim upp - en það tókst svona að mestu og geislunin verður farin úr firðinum eftir svona 20-30 ár - en það fara nú allir göngin núorðið."
Er nú talið að ekki liggi nema um 9 ófundnir kafbátar undan ströndum landsins, en þeim var flestum sökkt af færeyskum vígatrillum snemma á 9. áratug síðustu aldar. "Jájá, ef við finnum þá ekki á allra næstu árum hljóta þeir að fara að gera vart við sig sjálfir, blessaðir," sagði Richard hlæjandi að lokum.
Drusla!
Ábyrgðarlaus drusla á þrítugsaldri óskar eftir að kynnast karlmanni á fertugsaldri, með nánari kynni í huga. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.