TVÖÞÚSUNDASTA FRÉTTIN |
||
Hundruð frétta bárust í keppnina, misjafnar að gæðum. Eftir mikla yfirlegu dómnefndar, sem skipuð var núverandi ritstjórn Baggalúts, urðu úrslitin þessi. |
||
Staðgöngugrind | ||
"Það lá beinast við að notast við hverfið hérna í kringum fyrirtækið, þó það sé kannski ekki það skemmtilegasta til gönguferða," sagði Jóhann Hall talsmaður Senile solutions. Þegar hafa margar pantanir borist frá elliheimilum, enda miklu einfaldara að láta gamalmenni ganga á staðnum, sérstaklega þá fjölmörgu sem gengur illa að rata aftur heim. - 8967855 |
||
2. - 11. sæti |
||
2. sæti: 75 ár liðin frá fyrsta brúðkaupi samkynhneigðra | ||
Af því tilefni bjóða afkomendur þeirra til leðurveislu í Borholu 13, Mosfellsbæ og eru allir velkomnir svo lengi sem þeir eru líberal og hressir. - Örn Úlfar |
||
3. sæti: Bylting í bílahreinsun | ||
"Þetta er algjör bylting” sagði Daníel og bætti við: “Allur bíllinn er djúphreinsaður á 5 mínútum". Þegar Baggalútur skoðaði nýju þvottastöðina var mikið að gera og hálfgert öngþveiti í götunni þar sem bíleigendur biðu í röðum eftir að komast að. Þess má geta að til mánaðamóta er Daníel með sérstakt kynningartilboð: Djúphreinsun og alþvottur fyrir aðeins 500 krónur. - Herbjörn Hafralóns |
||
4.- 5. sæti: Seldi verkfæri eftir sveitaball | ||
"Já, ég fékk hugmyndina suður úr Keflavík, en þar hefur lengi tíðkast að stúlkur selji rauðar rósir eftir svona böll" sagði Þórir í löngu spjalli við blaðamann. "Menn hafa svo neyðst til að kaupa rós, ellegar fara þeir einir heim. Mér fannst því kominn tími til að snúa dæminu við, enda sjálfsagt að konur leggi eitthvað að mörkum í þessum efnum" fullyrti Þórir kokhraustur. Salan lét ekki á sér standa og ruku skiptilyklar og tommustokkar út sem heitar lummur. "Það virðist vera mest eftirspurn eftir 3/4 tommu lyklum, enda ódýrastir" sagði Þórir að lokum. - Ljómi Hugljúfsson |
||
4.- 5. sæti: Ný stjórn á Grænlandi | ||
Jón Baldvin Hannibalsson var fljótur til og viðurkenndi sjálfstæði Grænlands á nýju íslandsmeti, 12 mínútum og 28 sekúndum. Aðspurður kvaðst Jón auðvitað vera ánægður með tímann en hann hafi alltaf vitað að hann gæti náð þessu ef hann fengi tækifæri til þess. - Glúmur Angan
|
||
6.- 7. sæti: Keikó staddur á Austfjörðum | ||
"Okkur fannst hann nú alltaf svolítið skrýtinn, blessaður drengurinn, en var sagt að vera ekki með þessa fordóma bara af því að hann væri svartur. Það var ekki fyrr en að það bættust við 2 nýir starfsmenn frá Nígeríu í síðustu viku að hið sanna kom í ljós." Yfirmenn frystihússins vildu ekki tjá sig um málið en Halldór Hróðmarsson, verkstjóri, lét þó hafa það eftir sér að "hann hefði ætlað að reka helvítið hvort eð er - afföllin hjá honum voru hrikaleg." Keikó hefur nú verið sagt upp störfum. - Steinríkur |
||
6.- 7. sæti: Alvarlegt slys á tilraunastofu R&T verkfræðideildar HÍ | ||
Nonni er nokkuð breyttur eftir ferðalagið og er enn að reyna að venjast nýju útliti og formi sem gerir honum nokkuð erfitt fyrir í námi sínu. Við óskum Nonna góðs gengis, en Nonni sést á meðfylgjandi mynd. - Agúrkan |
||
8.- 9. sæti: Gat í jörðu | ||
Í stuttu viðtali sagði Ketill að svo virtist að þetta væri öllu meiri fundur en hann hefði álitið í fyrstu. "Já, þetta breytir sennilega heimsmynd okkar, mér virðist sem þarna þrífist vitsmunalíf, við fyrstu bergmálsmælingar sýnist mér sem jörðin sé hreinlega hol að innan, nú þessi hellismunni hérna er greinilega manngerður og gæti verið hluti af risavöxnu loftræstikerfi." - Gunnar Björn |
||
8.- 9. sæti: Tekin með yfirvigt | ||
"Við létum rýma vélina svo hægt væri að koma handfarangri hennar fyrir. Það voru einhverjir fúlir en svo fengu allir samlokur og svona í flugstöðinni meðan við púsluðum fólki á aðrar vélar", sagði framkvæmdastjóri Leifsstöðvar. "Það er auðvitað skrýtið að svona höfðingjar ferðist í almennu farþegaflugi, en líka rétt sem dómsmálaráðherra benti á þegar hann hringdi í okkur – það eru auðvitað sjálfsögð mannréttindi." Handfarangur frúarinnar mun að mestu hafa verið vörur úr Bláa lóninu og friðarkerti frá Kertasteypu Mosfellsbæjar. - Sævar |
||
10. sæti: FJÖLKVÆNISGLÆPAMAÐUR HANDSAMAÐUR | ||
Jökull játaði allar sakargiftir og segist tilbúin að hætta öllum giftingum, enda orðinn þreyttur á tuðinu í eiginkonum sínum og er hann búinn að sækja um skilnað við 9 af þeim. Hann verður líklega dæmdur í fimm ára fangelsi í Borgundarhólmi. Jökull segist ætla að snúa sér að því að láta ferma sig í öllum löndum heims eftir fangavistina enda er Jökull mikill áhugamaður um kirkjuathafnir. - Stoffer
|
||
11. sæti: Loksins ný skákvörn | ||
Ekki hefur Zkak langt að sækja hæfileika sína en faðir hans Thet Term Aat hlaut gríðarlega frægð í heimalandi sínu er hann uppgötvaði Kirkistanska sóknina á sjöunda áratugnum. - Lubbi |