Til sölu
Litlar, sætar og sérlega mjúkar Playboykanínur, kassavanar. A.v.á.
Auglýsendur!
Að gefnu tilefni skal minnt á að ekki er tekið við auglýsingum á vefinn nema frá fyrirtækjum sem sannanlega eru í eigu Baggalúts-samsteypunnar eða tengdra aðila.
Stjörnukokkar
Vinsæla kattahakkið komið aftur. Fyrstir koma fyrstir fá!
Greiðendur fasteignagjalda!
Munið að þótt þið eigið í raun minna en ekkert í húsunum ykkar og bankinn gæti hirt þau af ykkur hvenær sem er, þá verðið þið samt sem áður að borga fasteignagjöldin. Svona erum við ógeðslega sniðug!
Sveitarfélögin
Auðtrúa asnar athugið!
Myntkörfulánin sívinsælu eru komin aftur!
Bankarnir
Það er okkur ljúft og skylt að vekja athygli á þessu átaki hér:
Og um leið og við hvetjum alla alvöru karlmenn til að þreifa ærlega fyrir sér er ekki úr vegi að rifja upp lagið okkar fallega um Yfirvararskeggið af hljómskífunni Pabbi þarf að vinna.
Megi mottur landsins dafna vel og lengi.
Ég er ekki mikið gefinn fyrir tilfinningasemi. Ef til vill er ég einfaldlega svona gamall í hettunni. Hvernig sem það nú snýr á ég lítið sameiginlegt með fólki sem gengur um síkjökrandi og berar einkalíf sitt fyrir öllum þeim sem heyra vilja - og hinum líka. Nú eða hinum sem flissa sífellt að öllu og engu og litla stjórn hafa á kátínu sinni. Sjálfur kýs ég að halda mínum tilfinningum fyrir sjálfan mig. Í versta falli deila þeim með hamstrinum mínum. Engu að síður lét ég í gær tilleiðast að sjá nýjasta afsprengi krúttkvimyndagerðarmannsins Dags Kára, Hjartað góða. Í raun eingöngu af því ég fékk frímiða.
Kvikmyndin segir nokkuð sígilda sögu tveggja ólíkra karlmanna sem kynnast fyrir hendingu og læra sitthvað gagnlegt hvor af öðrum. Sagan gerist að mestu leyti á krá í eigu annarrar aðalpersónunnar og er það mikill kostur, enda alltaf gaman á kránni. Þó hún sé bara í bíó. Að sjálfsögðu kemur einnig við sögu kvensnift sem ryðst inn í þetta síðasta vígi karlmennskunnar og veður um eins og fíll í postulínsverslun svo óstöðugan mætti æra. Sveiattan. Þrátt fyrir það má hafa töluvert gaman af sögunni og sér í lagi meinlegum athugasemdum kráareigandans geðstirða sem stórleikarinn Brian Cox leikur með stakri prýði. Mikið hlýtur að vera gaman með honum á kránni.
Ég neyðist til að viðurkenna að þegar nokkuð var liðið á myndina var ég orðinn svo hugfanginn af framvindunni að ég gleymdi bæði stað og stund. Þegar ljósin voru svo kveikt að sýningu lokinni áttaði ég mig á því að ég hafði óafvitandi brotið eina af mínum helgustu reglum. Sýnt tilfinningar. Ítrekað. Eftir að hafa undið vasaklútinn minn flýtti ég mér skömmustulegur heim og lofaði sjálfum mér að þessi mistök skyldu aldrei endurtekin.
Bölvaður sértu, Dagur Kári, að leyfa ekki gömlum manni að halda reisn sinni á almannafæri. Þetta skal ég muna þér.
Ég hef fundið einfalda lausn í fimm skrefum á því hvernig manna má skilanefndir gömlu bankanna.
1. Lækka laun. Um sirka 90%. Til að losna við þá gráðugu.
2. Taka upp einkennisklæðnað skilanefndarmanna. Helst flíspeysur. Til að losna við þá hégómlegu.
3. Kaupa stimpilklukku. Fátt er skelfilegra en rafmagnstæki með alræðisvald. Til að losna við mikilmennskubrjálæðingana.
4. Söngstund. Daglega. Til að losna við leiðindapúkana.
5. Skiptast á að skúra bankann eftir vinnu. Til að losna við Íslendingana.
Að þessum skilyrðum uppfylltum munu raðast í þessi þjóðþrifastörf tiltölulega hæfir einstaklingar sem hafa raunverulegan áhuga á að vinna vinnuna sína.
Og engu öðru.
Baggalútur er hýstur með stolti hjá SKÝRR
sofðu unga árstíðin
útilegnir fætur
frammi leynifuglinn hrín
þeir framleiðekki peruvín
í biðsalnum fékk að baka glimmerrætur
baðar tertu tyrknesk geit
Tinni lygapungur
loftþétt kartan fjandi feit
fríða hænu enginn veit
öklar í rjóma, rauðvínshjúpuð lungu
sturtuhengi, stíft og ljótt
steindir hestavagnar
læðan brennir lunda í nótt
leðurkallar deyja hljótt
menn viljí selskap, pissá skátann Ragnar
Í kjörklefanum vil ég vega
valkosti, og skegg mitt strjúka.
Að lokum sest ég sæmilega
sáttur oná þá og kúka.
